МАРЈАН ГЕОРГИЕВСКИ

Philharmonic of North Macedonia, Skopje

ОСТАНИ НОРМАЛЕН Како да останеме нормални? Кога до 40 години пораснавме со касетофони, вокмени и дискмени, а денес живееме со паметни телефони, хуманоиди, социјални мрежи и вештачка интелигенција. Во меѓувреме преживеавме неколку војни, вечна транзиција, несигурност, приватизација, дигитализација, инфлација, економски кризи, светска пандемија и поскапување на лебот, млекото — и љубовта. А кога конечно си помисливме дека можеби сè ќе биде во ред, сфативме дека половина живот ни поминал во кредитни понуди, попусти "само овој викенд", каматни стапки и прашањето: "Колку е квадратот?" Во меѓувреме, секојдневието ни донесе говор на омраза и фејк њуз, булинг, мобинг, гаслајтинг, тролинг, фомо, кибербуллинг, токсични односи, дигитален замор, инфлуенсерски притисок и бескрајно скролање додека се убедуваме дека само уште пет минути ќе бидеме на телефон. И токму тогаш, од сите страни почнаа да ни викаат: "Излези од зоната на комфор!" Не мора. Оставете нè малку во оваа зона на комфор, ве молам. Едвај ја најдовме. Ве поканувам на стендап комедијата "Остани нормален" — комедија за една генерација што научи да преживува сè, а сега конечно сака малку и да живее. Затоа, ако веќе не можеме да го сопреме светот — барем да се насмееме додека се обидуваме да останеме нормални.

Address

Skopje

Source

Ticket site ↗Details were read from here. Check with the venue before you travel.